家住舊式公屋父母月入1.5萬　中大生嫌棄「唔見得人」：不想向同學提起

住舊式公屋、來自低收入家庭就是一件羞恥的事？一名中大（香港中文大學）學生日前網上表示自己家住舊式公屋，父母合共只月入1.5萬，覺得自己家庭背景「唔見得人」，因此從來不願向同學提起自己家人，大呻如果自己家庭背景好，自己就不用「收收埋埋」。

該名學生於Facebook專頁「CUHK Secrets」發文表示，其父親任職司機，而母親任兼職清潔，二人合共每月收入有約1.5萬，而其兄弟姊妹在中學畢業後即投身社會工作，沒有繼續學業，工作多年月入仍未過1.5萬，他的其他親戚也幾乎都是公屋住戶，「月入萬幾蚊」。

發文者表示自己一家人住在位於鴨脷洲的舊式公屋，鄰居大多是「收音機呀伯、低收入新移民、道友、無業遊民」，他形容家中是「開放式」，沒有房間間隔，每晚除了要忍受著父親的「鼻鼾聲」外，還要忍受著鄰居打麻將和小孩子跑跑跳跳的吵鬧聲入睡，而且他所住樓層的走廊經常有異味，「好多積水、尿水」。

曾被身邊朋友斥自己從不提私事，他就大呻實際上是這樣的家庭背景，令他對家事羞於啟齒，

成日俾啲fd（Friend）話我收收埋埋，從來都唔講私人野（嘢），講真啦，如果我老豆老母有份好嘅職業、住間見得人嘅屋，我又點會收收埋埋喎

他指其實自己也很想邀請朋友到家中，多聊天多分享自己事，但「屋企真係好細好亂、環境太惡劣」，無奈稱自己是「講唔出口」。

所以他希望若自己下次提及自己住鴨脷洲後，同學們不會再追問自己的住處，免得反而更尷尬

各位同學下次問人住邊，例如：我話鴨脷洲，你問係咪海怡半島，我話唔係，你就唔好再追問吧，我想講我自然會講，我唔講你再追問都唔會得到答案，到時大家都尷尬啦！

有網民留言指如果說出口後有人嫌棄其家庭背景，該人根本不值深交，亦有人用自身經歷勉勵樓主，指自己居住環境更惡劣，但家中4兄弟姊妹都能入讀港大，覺得住公屋「無咩大不了」，

無需要自卑，自己努力改善自己生活，人嘅價值唔在於住咩地方，人格重要過你嘅地址。

不過亦有很多網民反斥發文者「妄自菲薄」，指實際上不能接受、「嫌棄自己」的是他本人，覺得他若要受人尊重，必先要「自重」，

有時唔係人地嫌棄你， 係你自己嫌棄自己，所以覺得人地會咁睇你